十位候選港姐前晚在番禺出席才藝表演活動，早前在活動中疑似「激凸」、被網友改名為「陳勃」及惡搞的Jason擔任嘉賓。穿上鬆身褲上陣的Jason，問到是否怕再「激凸」而刻意着鬆身褲？他說：「梗唔係啦！條片都嘥氣！我睇咗三次都係角度同動作問題，唔係生理反應！我要唱歌同記歌詞，點會咁快有反應！」昨日他出席另一個活動時，被問到今次成為焦點是否要多謝「細佬」，他「有味」地回應：「『小弟』好開心！（得力細佬？）當然啦！（望到靚女所以『激凸』？）Fans都係細路女，好彩嗰日冇女藝人，唔係畀人誤會！」

「激凸」	穿上性感舞衣的高海寧，再搶師妹「峰」頭。

高海寧「舞」搶鏡

至於前晚佳麗表演才藝時多數表演唱歌，但唱得較好的只有(2)林潔瑜及(7)鍾溥敏。清唱的(6)黃嘉麗更是五音不全，但她竟憑「走音」爆冷奪得「旅遊大使」獎，並獲五萬元獎品獎金。其後她表示對表演得到肯定感開心，亦有信心打入三甲。而師姐高海寧則穿起性感舞衣大跳爵士舞，再度搶鏡成功！

(9)袁嘉敏表演整撻，被評Hea爆。	在海軍鬥水兵的情況下，(7)鍾溥敏的歌藝已算不俗。	(6)黃嘉麗雖然唱歌走音，但仍奪得「旅遊大使」獎。

至於嘉賓張嘉兒則否認與林敏驄的緋聞，亦指老外「男友」只是朋友，問到有沒有機會發展？她說：「係人都有！睇佢對我係咪真心，無分國籍，最緊要溝通到！」另外，港姐昨日與十二位港男到水上樂園繼續「打水戰」，港男(7)許家傑更玩到甩隱形眼鏡。