前晚Freeze出席酒吧騷時狂轟叮模︰「依家啲模特兒好慘，畀人頂爛巿，佢哋太普通，淨係騷身材，畀佢哋拖低價錢，個個都係化Angelababy個妝同髮型，依家『(口靚)模』變咗貶義詞，等同年輕、矮同露肉模特兒！（(口靚)模Cheap？）唔係，係頂爛巿，淨係識曝光冇意思。」
昨日鍾蕙芝（Lavina）、「E Cup Baby」劉欣宜、胡心諾等在西九龍中心舉行簽名會。對於被批評，Lavina表示(口靚)模平靚正︰「係熱潮，近期巿道低迷，(口靚)模平靚正。（搶生意？）各有各做，因為身材令人留意都開心。」劉欣宜亦說︰「我唔矮，有167cm，好多歌手都矮但有才華。（搶生意？）唔會，Freeze係第一隊打正旗號賣性感嘅組合，我哋係外界標榜性感。（你哋正啲？）佢哋有韻味，我好少睇佢哋，佢哋跳舞OK。（佢哋Out？）唔係，不過我細個聽英文歌。」
