憑參演人氣電影《變形金剛》而紅遍全球的美瑾霍絲，早前四出宣傳續集《變形金剛：狂派再起》，但接受訪問時卻「衰多口」，表示執導的米高比爾着重特技而非演員的演技，所以在片中沒有演技可言。美瑾言論一出，即惹來米高非常不滿，他日前接受《華爾街日報》訪問時反擊：「佢（美瑾）講咗啲好荒謬嘅嘢，依家先23歲，好多嘢仲有排學。」米高還直言看到美瑾的「謬論」時被激到反眼：「我真係冇眼睇，佢以後想點就點啦！」

Rain望赴美見面

在影壇打滾多年、曾執導《石破天驚》、《絕世天劫》等賣座電影的米高表示，過去捧紅過不少影星，包括《變》片的男主角沙拉保夫：「我搵佢（美瑾）拍《變》片之前，都冇人知佢係乜水。好似我搵尼古拉斯基治同賓艾佛力拍戲嗰陣，佢哋都未紅！」擺明暗寸美瑾忘恩負義！而因美國國慶提早在當地上映的《冰河世紀3：大威龍駕到》，周三開畫當日雖擊敗《變》片，但《變》片翌日即以1,150萬美元（約8,970萬港元）的票房，反勝《冰3》片成為票房冠軍。

另外，Rain近日接受韓國綜藝節目訪問，談及美瑾早前訪韓時曾公然表示對他有好感，並希望跟他約會，他坦言獲悉此事後心情愉快，並希望主演的荷里活電影《忍者刺客》於年底在美國上映時，有機會跟美瑾見面。