已故巨星米高積遜（MJ）的世紀追思會，將於香港時間7月7日凌晨假美國舉行，為配合美國的悼念活動，奧海城將於同日晚上7時舉行MJ追思會，並請來台灣星光幫周定緯及MJ歌迷出席，屆時齊齊跳Moonwalk緬懷偶像風采。追思會以香檳色花朵布置，Dress Code為黑白色，屆時每位入場觀眾都獲贈鮮花，營造花海向偶像致敬，而兩地歌迷並會公開MJ的珍藏紀念品。
此外，饒舌歌手MC Jin（歐陽靖）前晚在酒吧舉行音樂會，自言是MJ超級Fans的他說：「細個時唔知醜扮過佢跳舞，又試過扮佢參加萬聖節！（因為佢個樣恐怖？）唔係話佢恐怖，係崇拜佢。」
