娜姐在MJ死後曾自爆傷心落淚，昨日她在倫敦舉行《Sticky & Sweet巡迴騷》，亦設悼念環節向MJ致敬。當獻唱《Give It 2 Me》時，娜姐亦與舞蹈員穿上MJ招牌白色手套，獻唱MJ名曲時台上亦播放了MJ的照片，娜姐亦安排一個舞蹈員打扮成MJ表演其成名舞步。另外，Essence音樂節前日在新奧爾良舉行，Beyonce及John Legend等撐場，亦有管樂隊向MJ致敬。

據Billboard網站透露，MJ生前正籌備流行曲及古典純樂器演奏兩張大碟。在流行曲大碟中更與Akon及作曲家Claude Kelly合作，Akon說：「佢知倫敦騷嘅門券全部賣晒都好開心，佢對我講：『我嘅Fans仲喺度，佢哋仍然愛我！』MJ最重視子女，佢哋仲未睇過爸爸現場表演，佢想為子女製作最厲害嘅騷！」他表示三個月前曾與MJ對話，MJ經常提醒他要吃得健康、多做運動。而曾為MJ創作《Hold My Hand》的Claude表示MJ對音樂的熱愛從沒有改變。

本與大仔同台合唱

曾於89年與MJ合作電視騷的作曲家David Michael Frank透露，兩個月前與MJ會面，當時MJ透露正製作一張古典大碟，希望他能協助編曲：「幾星期前佢打畀我睇吓進度，仲話想整一首爵士樂曲，希望佢屋企人會推出呢批樂曲向MJ致敬。」而MJ唱片監製昆西鍾斯前日現身威爾斯加的夫一間音樂學院接受榮譽學位，他說：「我從來冇諗過米高會死得早過我！」MJ好友保羅麥卡尼在網上留言：「我記得佢嘅幽默感，雖然我哋曾經不和，但我會永遠記得一齊錄歌嘅開心時刻。」而MJ前發言人證實，MJ本打算與大仔王子米高於倫敦騷上台合唱。