近年香港湧現大批嫩模，相對正統模特兒少人吼！不過來自馬來西亞、有豐富模特兒經驗的「馬拉蕭亞軒」謝麗萍（Amber）卻逆市而行，偏偏選正在這個時候進軍香港，她揚言只要保持最佳狀態，絕對不怕貨比貨！
喜歡放眼看世界的謝麗萍，曾在超過20個國家擔任模特兒工作，足迹遍布中國、台灣、泰國、印尼及日本等地，連時裝之都的巴黎及倫敦亦留過行騷足印，最近Amber有意轉移陣地來港大展拳腳。她說：「始終香港同馬來西亞比較近，有時喺美國工作太長時間，難免會掛住家鄉。」
對於近年香港掀起一片嫩模熱潮，Amber直言有留意，但仍自信十足地說：「美國競爭咪仲大，我試過接一個Job有4、5千人候選，不過我最叻適應環境，香港唔興太瘦嘅Model，我咪係1個月內增肥10磅，只要將自己Keep到最Fit狀態，就唔擔心同人比較！」她最近被電影公司發掘，有機會嘗試拍電影，她興奮地說：「依家喺馬來西亞拍緊一部電影，遲啲可能會嚟香港拍一部功夫片！我幾有信心，因為我一向好動，依家積極練習詠春拳，覺得好好玩！」
鍾情亞洲猛男
感情方面，Amber自言不愛受束縛，至今仍未拍拖：「成日要飛嚟飛去，好難搵到男朋友，但我好Enjoy單身生活！」不過她對亞洲男士情有獨鍾，她解釋：「喺外國生活咗一段時間，始終語言同文化不同，都係同亞洲男仔溝通得好啲！我相信愛情係盲目，如果搵到個好鍾意嘅男仔，唔排除會放棄一切！」
Profile
姓名：謝麗萍（Amber）
生日：12月14日
三圍：32、25、35
身高：175cm
體重：50kg
語言：馬來西亞語、普通話、廣東話及英語
嗜好：游泳、旅遊及烹飪