本文重點
現年24歲的日模渡邊知夏子鍾情型格打扮，早前首次來港出席商場活動，吸引大批Fans捧場，近年成為日本時裝潮流雜誌《ViVi》御用愛將的她，更親自解構衣着、化妝及減肥心得，明益港女！活動當日，身穿黑色喱士上衣襯牛仔短裙的渡邊，紮上今年流行的「齊陰」馬尾長髮，高貴得來又不失時尚感。原來渡邊十分鍾情喱士質料的衣物，她說：「今次係我第一次嚟香港，所以想扮得隆重啲，我好鍾意喱士衣物，無論係衫或者絲襪都會買，感覺好Sexy。我又鍾意將牛仔褲褶腳，然後加對短嘅喱士襪同高踭鞋，趁夏天着啲Sharp嘅顏色都好好睇。」
寸嫩模太瘦
近年港女流行戴大眼仔、貼假眼睫毛，渡邊直言假眼睫是化妝不可缺少的工具：「依家好多唔同款嘅假眼睫毛，會令眼睛更有神采，所以我化妝一定會用。以前我化妝都鍾意用唔同色彩，但近年日本好流行Nude妝，即係最貼近肌膚嘅顏色，感覺好自然。」至於港女每日嚷着要減肥，渡邊看完眾 模行騷後，反而覺得她們過瘦：「我唔覺得自己瘦，亦冇刻意減肥，只係注重均勻飲食，平日食好多菜，油膩嘅食物就盡量少食。」
