黃長發自與「鞋王三奶」李姿霆分手後，雖然不斷被三奶數臭，但他一於少理，繼續與契媽Christine結伴夜蒲，並狂歡至凌晨4時才離開，當發現記者時，長發更主動揮手，可見心情未受影響。
現年23歲的黃長發，曾與年長16歲的「鞋王」鄧劍群三奶李姿霆（Karen）愛得難捨難離，其後因三奶過分黐身，長發上月初主動提出分手，事後卻不斷被對方數臭，原本一直啞忍的他最終也開腔反擊，並表示與Karen劃清界線。
拖男帶女風騷揮手
回復單身的長發懶理外界閒言閒語，繼續與契媽Christine出雙入對。昨日凌晨二時半，長發與契媽及數名男女友人到中環夜蒲，一行人到安蘭街一幢商業大廈的酒吧消遣，至凌晨四時才盡興離開。雖然是非纏身，但長發心情未受負面報道影響，沿途與友人雞啄唔斷，當發現記者時，他更即笑笑口主動向鏡頭揮手，其後再與友人到附近搭的士離開。
昨日記者致電Karen，她自稱有人向她報料指長發前晚到中環夜蒲，並叮囑姊妹們要帶眼識人。
長興撐識朋友冇錯
對於有報道指長發與張慧儀前男友、舞王霍紹裘現任女友Sindy Mok拍拖，Karen說：「Sindy係Christine嘅朋友，（Sindy係咪鍾意阿發？）我只係知道Sindy要阿發在場佢先肯現身。（佢哋係咪拍拖？）我同佢分咗手，唔可以控制到人哋拍唔拍拖。」至於有指長發在Facebook識女仔，其兄黃長興力撐：「冇問題，Facebook係識吓人，交換吓朋友，佢只係網上，冇進一步行動。」