十位應屆港姐與十二位港男，昨日冒雨在番禺長隆水上樂園拍攝《當香港小姐遇上香港先生》特輯，因天雨路滑，難免有點狼狽。他們被安排登上「U形滑板」由地面玩到上天，(3)鄭寶源被踢爆未玩已嚇到喊，結果不能參加此環節的拍攝，她坦言平日很少玩機動遊戲：「我有嘗試過，但唔得，所以唔玩，自己好驚離心力，冇得參加拍攝都唔會輸蝕，留喺地面支持其他佳麗一樣開心嘅。」
(5)馬詠恩亦被發現玩完後明顯面青青，但她死撐在澳洲經常玩機動遊戲：「唔驚，係啲頭髮凌亂咗，呢個同澳洲玩爭好遠，真係小兒科！」而(8)熊穎詩做到面不改容，連玩三次也大嗌刺激好玩。此外，有傳被(4)劉倩婷力追的(5)馬詠恩，當記者要求合照，馬詠恩略為避忌，但說：「我冇咁覺得，可能係你哋敏感。」
