成為(o靚)模是非軸心的Lavina不但工心計，大搞「朋黨」之爭，最近更憑E級巨胸帶挈好姊妹Rainbow（胡心諾）殺入影圈，擺明一副戰鬥格！情場上，Lavina也絕非善男信女，前晚她偷會友人男友，在熙來攘往的商場上演一幕挑情實錄！當晚8時，記者發現Lavina與一名貌似郭品超的六呎型男到將軍澳新都城商場行街，只見她穿上白色小背心配超短熱褲，以全副武裝會猛男，初時二人顯得有點避忌，刻意保持距離，其後愈行愈埋，最後恍如一對連體嬰大晒恩愛！
骨功銀彈冧女
他們先到戲院買飛睇戲，密斟一輪後，Lavina發揮「E」人本色，原本屬意睇《冰河世界3：大威龍駕到》的她為遷就「嫩版郭品超」，改看《變形金剛：狂派再起》，男方對Lavina的千依百順，顯得相當受落！未夠鐘睇戲，他們先乘電梯往上層食肆醫五臟廟，期間戒備逐漸鬆懈，Lavina大施冧功，兩度從後翹實「好」友手臂，「嫩版郭品超」欲拒還迎，情不自禁撫摸Lavina纖腰，為免「E」人仆倒，「嫩版郭品超」借勢用手游走到Lavina的肩膊上扶她，相當細心！
在商場閒逛期間，Lavina又再主動出擊翹男方手臂，當經過眼鏡舖時，他們懶理肚餓，先Shopping而後快，在店內旁若無人為對方揀眼鏡後，男方見Lavina行得辛苦，即施展一手好骨功，為她按摩香肩。由於未有收穫，Lavina要求男方到化妝品店買指甲油，雖然要「嫩版郭品超」久等15分鐘，但他仍雀躍萬分，更為Lavina付錢買下兩支指甲油，盛惠36大元，已可氹得「E」人樂翻天！
驚青死撐玩吓
Shopping完畢，二人到平民化餐廳醫肚，他們有情飲水飽，「嫩版郭品超」不時指手畫腳講笑話，逗得Lavina笑得不攏嘴，期間更聽到男方對Lavina說：「我聽日早更，要返差館！」相信男方是一名警察。吃飽飽後，他們才施施然到戲院睇戲。記者昨日致電Lavina，問到前晚是否與男友拍拖睇戲？她想了一會說：「嗰個係我朋友嘅男朋友嚟㗎！」問到是否撬牆腳？Lavina即時否認，但當問到他們好像十分親密時，她即驚青地說：「吓？玩吓咋喎！」顯得煞有介事的Lavina更即時匆匆掛線，並把電話轉駁到留言信箱。
老友牆腳最啱撬
不少人戀上好友的另一半，都不顧道義誓要硬搶，娛圈中例子比比皆是！
翁嘉穗：翁嘉穗與李明慧是97年港姐的冠、亞軍，分屬好姊妹，98年為爭奪鄔友正反面，最後翁與鄔於99年結婚。
周渝民：05年中徐熙媛（大S）親證與藍正龍分手，不到兩個月即宣布與周渝民的新戀情，一直有傳周渝民是兩人的第三者。
黃長發：黃長發與Karen分手後，即傳出阿發與契媽Christine過從甚密，又指Karen暗示友人兼舞王霍紹裘女友Sindy介入。
文：專案組