靚靚昨日出席Lanceme活動時，大會播放由其出道過程輯錄而成的短片，氹得她相當開心。入行19年的她坦言有很多難忘回憶：「最大得着咪識咗我老公囉！（生BB？）Bonus嚟啫！（追多個？）都有呢個打算，不過我同Chilam講，佢話上次生『魔童』嗰陣自己已經停工一年，再生嘅話佢咪唔使做？」故她表示會順其自然。

Chilam揚言為保幸福家庭，不會拈花惹草。

靚靚坦言Chilam及兒子是人生的最大得着。 資料圖片

明年搞影迷聚會

談到Chilam即將出唱片，靚靚即時賣口乖：「除咗譚詠麟啲歌，我淨係識唱張智霖嘅歌！我覺得佢再出碟，最重要係享受過程，唔應該畀壓力自己！」靚靚指老公值80分，但唯一的缺點是過分貪玩，並笑言若發現Chilam出軌的話，會先檢討自己有否犯錯，才會怪責別人﹗另外，她打算明年舉行大型影迷聚會，慶祝入行二十周年。

至於得到老婆「高度嘉許」的Chilam則得戚地說：「梗係啦！其他嘢無可奉告！（生多個？）我好忙㗎！再生多個簡直係心理煎熬！好難同時兼顧家庭同工作。」他坦承靚靚曾表示不想知道他去「滾」：「佢係有咁講過！（夠唔夠膽滾？）唔係唔夠膽！係唔想破壞幸福家庭！」

文：影視組