昨日陳志雲擔任莫樹錦主持的節目《咁至識食》嘉賓，對方欲問志雲為何遲遲未婚，最後反被志雲問其感情生活。事後志雲自言未有對象，亦不想識女仔，更笑言叫記者介紹。問到可有被女生追求？他頻呼好驚：「有呀！好得人驚，我就嚟要請保鏢。（點解？）佢行為好怪誕，成日有啲SMS、電郵同用花整公仔畀我，都成年喇！」
雖然不知道對方是誰，但志雲亦心中有數，更不想對方現身：「唔好喇！我好驚，擔心人身安全。（約你去街？）佢有話喺邊度等我囉！佢畀我感覺好唔正常，佢Send畀我啲訊息，我睇都唔睇就會刪除。」提到被傳是同性戀者時，他笑說：「同性戀？我都有同女仔去街，但佢哋只鍾意寫我同男仔，況且我個樣點追女仔，追債就得！」
