蔡卓妍（阿Sa）首度在港演出的舞台劇《勁金歌曲》前晚公演，Sa媽一早到後台為愛女打氣，而泳兒、關智斌及張智霖亦有捧場，相反緋聞男友鄭中基玩失蹤，幸無損阿Sa心情，3小時全程冇甩漏，她興奮地說：「工作人員話我同綵排時係兩個人，On Show時好On Fire（有火）。」台下觀眾反應熱烈，搞到阿Sa謝幕時險些落淚！
演舞台劇固然開心，阿Sa更認識一班愛演戲的人：「我哋私底下會玩角色扮演，我係愛表演嘅『阿薇』，但又怕其他人嘅眼光，好矛盾！」提到劇中的「潮婆」老妝Look，她笑說：「我希望將來老咗，都係一個潮婆！」
