最近重返香港樂壇的蕭希榆（Ruby），早前到沙巴取景拍攝噴血寫真集，竟遇上「唔方便」的日子，不過揚言要做性感唱作人的她，最後仍硬着頭皮開工，照樣花灑直淋！
出道時曾以「蕭瀟」之名闖樂壇的Ruby，今年以唱作人身份再戰香港樂壇，並將以水着寫真集讓樂迷「從頭認識」！雖然近期一班巨乳嫩模橫行無忌，但Ruby揚言未驚過，定於本月22日推出寫真，大晒其32D、23、35的索爆身材！
寫真集中，Ruby將以10多個養眼造型出現，包括富夏日氣息的水着Look、大玩濕身誘惑的疑似內衣Look，以及短髮SM造型，誓要迷倒電車男！Ruby坦言入行已一段時間，明白行性感是時下的潮流：「我又唔係嫩模，所以真係冇壓力喎！自己都做咗咁耐，今次玩性感只係想畀大眾新鮮感，當然我都希望大家可以聽吓我嘅歌，所以本寫真集入面仲有兩個MV㗎！」
「好擔心有紅潮」
今次挑戰性感底線的Ruby直言，拍攝初期大感尷尬：「好彩攝影師好好，令我可以好放心咁影！」她自爆拍攝時，攝影師要求她穿上疑似內衣款式的三點式水着，在浴缸拿着花灑自噴玩濕身：「點知嗰朝起身，我先知道M（月經）到，因為事先已經知道要濕身，所以好擔心會有『紅潮』，我都唔敢講畀攝影師知，好彩最後都冇事咋！」她又大讚Bob頭拋胸造型，甚有SM感覺：「我自己都覺得好Sexy呀！」
Profile
姓名： 蕭希榆（Ruby）
生日： 10月14日
三圍： 32D、23、35
身高： 169cm
國籍： 英國
嗜好： 唱歌、煮飯
及購物。