日前吳佩慈在內地出席活動，更衣期間發現天花板裝有攝錄機，立即報公安求助！昨日她參觀Parfums Christian Dior全新美妍概念專門店，談及日前的經歷時猶有餘悸：「公安話部機冇錄到任何嘢，叫我哋信佢，但個心都唔舒服，畀人睇到都肉酸啦！我一向好小心，喺外面更衣室換衫唔會除晒，會着褲仔同內衣打底。」大會得悉有攝錄機後亦贊成報公安，故吳佩慈不打算追究。
另外，對於被指與男友Peter在上海同住一酒店房，吳佩慈澄清男友在當地有屋：「大家係去小S（徐熙姊）嘅生日會，我同成班朋友住同一酒店，佢只係送我哋返去。」對於男友被指是北京保利博納及海蝶唱片的老闆，她說：「哈！係億萬富豪就好喇！佢嘅錢唔係我嘅錢，佢只係一個生意人，以前做過律師，唔係傳聞所講嘅小開。」