品牌Coach前晚舉行《品牌展覽開幕酒會及09秋季預展》，不少名人明星前來捧場，包括楊恭如、鄔君梅及琦琦等，而Ana R.、樂基兒及Cara G.等則擔任模特兒。當中Ana穿上桃紅色短裙，胸前兩點激凸，被問到是否有心性感凸點時，她笑得十分燦爛，並作狀以手袋護胸說：「我冇戴Bra嘛！呢件衫唔適合戴Bra，戴咗就唔靚，所以我入面乜都冇㗎！（咁咪好危險囉？）係呀！所以唔可以同你哋咁近！」談及米高積遜逝世，Ana表示仍十分傷心，提到其面容變化很大，她即力撐說：「佢個樣係轉變咗好多次，不過佢本身就成日轉好多唔同嘅形象啦！」

樂基兒透露將會欣賞黎明的演唱會。	自認單身的楊恭如，與媽咪齊齊出席活動。	「翻版徐子淇」鍾媛表示因名字被笑是「綜援」，故已改名鍾浠文。

樂基兒撐男友開騷

至於日前被拍得與型男翹手夜遊的楊恭如，否認對方是男友，強調現時是單身，問到擇偶條件？她說：「要有上進心同勇氣，因為喺香港同藝人拍拖成日都會畀人影到，都幾大壓力。（唔可以有家室？）呢個一定唔可以。」至於樂基兒則預告會欣賞黎明（Leon）的演唱會，她說：「我下月底會返美國探屋企人，因為我要睇埋Leon個演唱會嘛！（拍拖後第一次捧場？）唔係，不過就算我去咗，你哋都唔會見到我。」

文：名人組