譚詠麟（阿倫）早前勇戰球場傷及左腳韌帶，因腳傷未愈，昨日他紮住繃帶現身電台接受訪問，問到是否需要開刀做手術？阿倫說：「可能要，我三組韌帶傷咗兩組，後面嗰組爛晒！仲要掛靴添呀！」
不過阿倫未來工作繁多，短期內不能動手術：「我七月要去澳門做騷，八月又喺內地做《左麟右李》巡迴演唱會，唔可以做住，但我好想聽日做（手術）！」至於被拍得跟囝囝曉風觀賞電影，阿倫說：「係朋友個仔訂飛，點知訂遲咗兩日，我哋焗住買即場，但就坐第一排，啲機械人喺頭頂飛嚟飛去，睇到嘩嘩聲！」雖然曉風獲讚英俊，但阿倫堅持要兒子完成學業才讓他加入娛樂圈：「依家乜都唔畀！」
