近期(口靚)模「胸」湧而至，李蘢怡與莊思敏曾先後指(口靚)模敗壞風氣、睇都睇到膩等，而身為模界大姐大的楊崢亦坦言情況失控，她昨日以樂施大使身份出席「名牌義賣周」活動時說：「我覺得太多啦！近兩個月可以用失控嘅情況去形容，(口靚)模多到我都唔知邊個打邊個！（都有好多翻版(口靚)模喎？）我都知，曾經都有翻版楊崢啦！不過我唔介意，連周秀娜都有翻版，我唔係反對佢哋嘅出現，對於好多少女嚟講，係件好事，因為可以幫佢哋實現夢想。」