身材一向Fit到漏的唐詩詠（Natalie），原來對揀選零食甚有心得，專攻一些低脂及低糖的「口立濕」，她說：「平時拍劇開工時間長，所以一定要買零食提吓神，但千祈唔好喺夜晚食朱古力或薯片，好容易變肥妹。」Natalie的心水推介是有多種味道的蒟蒻，其中提子味更是至愛之選：「細個已經好鍾意食啫喱，濕濕哋冇咁『乾爭爭』，而且裏面有啲椰果，咬落好煙韌，而且專家話食甜嘢會令人開心啲。」除了在超市購買外，Natalie還會自製蒟蒻：「細個已經鍾意整啫喱，蒟蒻同啫喱差不多，調校水嘅分量就最重要，要整得好味真係要熟能生巧。」
