今年4月底才與胡諾言結婚的陳琪，最近身形有變，早前曾傳他們是奉子成婚，直至昨日，二人終於解開謎底，宣布即將為人父母！胡仔說：「結婚時已經有咗，都同樂易玲講咗。（仔定女？）保持神秘感，仔女都冇所謂！我係緊張大師，要太太注意飲食，亦唔畀佢出咁多街，始終豬流感（H1N1甲型流感）肆虐，屋企都放咗好多清潔用品！」他又感激同事找來不少BB用品贊助，令他慳回不少：「我哋一有啲關於BB嘅問題，就會打畀吳家樂同姚嘉妮請教！因為我係長子，全家都好開心，陳琪媽咪仲煲湯同燕窩畀佢食！」

胡諾言伏在陳琪的肚上，細聽BB的心跳。	陳琪懷孕7個月，肚大如籮。	胡諾言與陳琪於4月拉埋天窗，當時陳琪已有身孕。 資料圖片

至少生3個

BB未出世，已帶挈父母搵銀，早前他們以6位數字酬勞，成為FACE新一輯家庭照代言人，溫馨滿瀉！胡仔對酬勞十分滿意，更笑言要努力賺奶粉錢。問到陳琪心情？她笑說：「BB好乖，有咗之後食得瞓得，冇影響日常生活，反而老公好緊張，定時提我食補品同健康食品，似老竇多過似老公！」他們更計劃最少生3個。