古巨基前晚偕謝安琪及側田等擔任《超級巨聲》評判，從100位參賽者淘汰剩30人，基仔事先表明絕不留情：「有咩我一定會講，因為參賽者咁先會有進步，但我又唔會尖銳到令佢哋難堪。（唔唱得嘅歌手會受威脅？）唔同類型嘅歌手都有擁躉，但我都想可以搵到更多唱得之人。」不過，基仔還是口下留情，並不時為參賽者打拍子作支持。
相反評判之一的側田及Eric Kwok則狠批各參賽者，側田更直指92號參賽者不是一個好歌手：「你根本就唔係喺度唱緊歌，但好多公司會簽你，只要你扯高件衫露過腩出嚟，啲妹妹已經癲晒！」另外，當各人上台拍結尾時，藍亦邦不慎叉錯腳跌落台，幸冇大礙。
