日前「八模兵團」中的「A貨Baby」Annie G.首次與Fans舉行生日派對，還獲好姊妹A.Lin、「翻版阿嬌」Dada Lo、「新邦民女」Anjaylia、「少女邱淑貞」Isabel及Hailey C.撐場，紛向壽星女送香吻，逗得Annie非常開心。各人愈玩愈高興，貪玩的Dada送蛋糕時竟用忌廉將A.Lin畫成「花面貓」，A.Lin還擊時連累Isabel無辜「中招」，嚇到Annie雞飛狗走，最後她當然亦無可幸免，中招後即大叫：「我塊面毀容喇！」場面搞笑。
事後，Annie表示今年生日過得特別有意義：「第一年有Fans同我搞生日會，好受寵若驚，仲有A.Lin佢哋抽時間嚟，真係好開心。」她表示主要收到自製禮物，其一名男Fans更親手摺了一束玫瑰花，令她十分感動。此外，Annie其後參與朋友為她舉行的私人生日派對，她的日籍男友特別來港，與她一齊慶祝。