黃婉伶（Race）與王祖藍昨日齊以黑色「情侶」造型為《矮仔多情》宣傳。提到若票房報捷如何慶祝，祖藍笑言會為賈曉晨按摩、向Angelababy獻吻及在Race面前跳艷舞作回報。問到會否露點示人時，他說：「如果露點，第時冇人會再睇我演出！（傳Angelababy整過容？）唔覺喎！佢由出道到依家都好似天使咁靚！」
至於Race則讚賞《矮》片其他女角均表現出色，但不覺得風頭被搶，她說：「因為每次睇番自己演出都覺得怪怪哋咁啫！（包場邀好友欣賞？）我諗會全場得我一個女仔。（伍允龍呢？）佢唔喺香港，但如果佢睇都會同佢再睇嘅。」另外，《矮仔多情》上映四日共收約155萬，成績不俗。
