十位候選佳麗昨日於北海道「大湯沼」溫泉區拍外景，首次穿着三點式示人。工作人員於現場搭建布篷，給佳麗整理衣服及化妝，更「人釘人」照顧佳麗，傳媒只准遠距離拍攝。雖然不能近距離觀察，但不少佳麗依然缺點盡現，橙皮紋、摺肚及變幻球統統暴露人前。

鍾溥敏自言狀態未十足，仍有提升「胸」間。	鄭寶源與熊穎詩雖二十出頭，但大髀位均現橙皮紋。	熊穎詩

佳麗中，(9)袁嘉敏及「少女波神」(7)鍾溥敏的上圍較為突出，分別估計兩人Cup數為34D及34C，成為焦點的袁嘉敏還興奮地自爆被提名人吳君如稱為「大波Candy」：「君如成日做節目都好鍾意攞工人同助手嚟講，佢話我係『大波Candy』，呢個稱號影圈好多人都知！（介意？）都有嬲過，但依家只要唔好叫得咁鹹濕就得！」她又表示體重最高峰時曾高達130多磅，後來積極減磅才有如此身材。她還透露抵日後經常食雪糕及飲牛奶，問到是否靠飲奶豐胸？她即時否認。而鍾溥敏自認身材豐滿，但未做到最好，因有小肚腩。環顧各佳麗，身材最平均的可說是(5)馬詠恩，她亦很滿意身材，問到會否學袁嘉敏飲奶豐胸，她笑說：「我都有食雪糕，但唔係為咗豐胸。」

馬詠恩雖無驚人Cup數上圍，但勝在骨肉勻稱。	曾曦寧身形比較大隻，影相時要特別收腹遮缺點。	劉倩婷獲專人服侍整理泳衣。

鄭寶源離奇跌Cup

其他佳麗則自暴其短，其中(8)熊穎詩的屁股位置滿布橙皮紋及有肚腩，但她還死撐：「正常女仔都有少少肚腩，只要健康就冇問題！（會唔會減粗腰？）我一向都有做瑜伽。（身材輸蝕？）冇諗呢啲，橙皮紋好多女仔都有，對身材有信心。」而同樣有小肚腩的(10)李姿敏坦承肥了不少，皆因抵日後不停食。

(1)曾曦寧同樣缺點多多，影相時特別挺胸收腹，但行路時屁股卻現鬆弛得很；(6)黃嘉麗則「瘦骨仙」上身，腋下更暗藏「綺夢癦」；「逼爆徐淑敏」(3)鄭寶源上圍離奇跌Cup，對此她說：「我一直都係咁！（怕畀人話之前裝假狗？）可能之前啲衫緊啫！（好多橙皮紋喎！）呢啲天生冇辦法。」其後，十位佳麗到牧場榨牛奶，陳倩揚更充當翻譯，指導佳麗正確姿勢。