自從甄子丹演完葉問一角之後人氣急升，片約排到明年都未完，呢排仲忙緊喺內地開工，唔知係咪因為日日開工冇停手，甚少留意娛樂圈事情，早排同小小So講開新戲有咩陣容，佢竟然連拍檔個名都講錯咗！
小小So：呢排喺內地忙緊咩？
子 丹：啱啱忙完《十月圍城》，跟住要拍《錦衣衞》！
小小So：你成日喺內地，咪好少機會見到你對仔女囉？
子 丹：係呀！所以諗住拍完《十》片之後，抽少少時間返嚟陪佢哋！唉！冇辦法啦！
小小So：你喺《錦》片入面做咩角色？
子 丹：我做錦衣衞囉！都係要打(口架)！
小小So：其他演員仲有邊個？
子 丹：有趙薇同吳凡囉！
小小So：吳凡？邊個嚟(口架)？
子 丹：你識佢(口架)！佢咪係飛輪海成員囉！
小小So：係咪吳尊呀？子丹……
子 丹：哎吔！Sorry！係喎！吳尊呀！