郭穎橋昨日偕美味天使「柑桔」陳蕊蕊、「藍莓」劉俐及「春卷」王宝宝，以背心短褲打扮出席連鎖超市新店開幕，身材出眾的蕊蕊更吸引不少市民要求合照。可能有見今年不少口靚模均趁勢拍攝水着寫真，故無綫亦有意加入「寫真熱」，為美味天使推出寫真集。

「柑桔」陳蕊蕊大受小朋友歡迎，更爭相與她合照。

郭穎橋表示有與「香蕉」王淑玲聯絡。

雖然要跟(口靚)模比試實力，不過蕊蕊卻未有擔心銷量：「唔會擔心比較，我哋路線唔同，佢哋平日着慣泳衣，而我哋就好少着，所以感覺都會新鮮啲。（你身材會成為焦點？）唔會，我哋六個女仔各有性格各有賣點，況且大家都係以健康性感為主。」

盼「香蕉」快解凍

對於「香蕉」王淑玲被雪藏一事，蕊蕊指報道出街後曾跟對方逛街，她說：「事發嗰幾日佢梗係會唔開心，不過之後見佢冇咩，我都想佢快啲返嚟，一齊影寫真同做節目。」

而郭穎橋亦表示有跟王淑玲聯絡：「佢話自己OK，唔使擔心。（會叫佢講嘢小心啲？）以我認識嘅佢識點做，佢個人好叻嘅，而我都唔方便畀意見。」她還笑言平日愛煮中菜，又試過斬雞時弄得一身雞血。