有日本血統的裕美雖在香港土生土長，不過仍心繫故鄉，經常返日本探望家人，順道感受一下故鄉氣息。香港人愛到日本豪玩豪買豪食，但裕美每次到日本都能慳番一大筆。
日本的時裝向來是少女入貨重點，不過裕美卻另有所愛，她透露每次到日本，一定會到涉谷、新宿等地的通宵百貨店：「其實香港已經係應有盡有，不過有樣嘢係日本有香港冇嘅，就係24小時營業嘅百貨店喇！嗰啲舖頭專賣啲得意又實用嘅日用品，而且啲嘢仲好平、好抵買添！」
裕美每到日本便會將入貨目標鎖定為最新款的靚靚大毛巾，她說：「日本嘅毛巾真係好好用，又軟熟，啲花款又靚，而且啲Package夠晒吸引，最緊要就係價錢平！只係大約廿幾蚊港紙，好抵用㗎！」一條靚的大毛巾在香港差不多賣上百元，粗略估計裕美每在日本買一條毛巾，便可慳到逾70元，認真划算。