29/06/2009

播放本新聞相關短片

Rainbow願夜場陪飲「老細」鍚晒

本文重點
大賣青春的Rainbow(胡心諾)近日人氣急升,除有老細「力撐」外,更有Fans示愛,為逗客人歡喜,更樂意在夜場陪飲,如此識做,難怪人見人愛!

文、攝:名人組

昨日Rainbow、Lavina(鍾蕙芝)、Monique(周凱盈)和Tian(勞詠君)等身穿名牌,與姍姍來遲的椋名凜出席《夏之盛放》首映禮。被即場選為「夏之女神」的Rainbow,獲Fans示愛說「好愛你」,她說︰「我冇留意到,但好開心有人支持。(驚唔驚有Fans狂迷?)唔怕,有工作人員保護。(介意同Fans拍拖?)唔介意,最緊要人品好。」她並重申早前被拍得與經理人張達鴻(Admond)親熱夜遊的照片只是角度問題。

未知是否為避緋聞,28歲的Admond開場前才趕到,否認與Rainbow有超賓主關係的他,卻直認最錫Rainbow︰「之前解釋過啲相係角度問題,同佢冇嘢,有都唔會嚟,因為大家年紀接近玩得埋,唔止同佢一個,而且呢個係風度問題,嗰日佢上我屋企拎嘢。(攬腰掃背?)只係搭膊頭跟住縮手,冇掃Pat Pat咁核突。(會同旗下模特兒拍拖?)暫時唔肯定,事業為重,我係特別錫Rainbow,因為我第一個簽佢,錫佢多啲都應該。(怕影響旗下模特兒?)少少擔心,所以會保持距離,少啲出嚟,我同Rainbow媽咪解釋咗。」

Lavina急提水補鑊

此外,Rainbow和Lavina前晚出席另一個夜場活動,17歲未成年的Rainbow表示曾到酒吧做騷,更無懼性感工作︰「性感冇所謂,睇大會要求,有要求唔介意着性感啲。(如果要陪飲兩杯都OK?)係咪陪坐?(普通飲酒?)飲兩杯冇問題。」在旁的Lavina即輕撞其手㬹說︰「你唔飲得酒。」自知講錯說話的Rainbow即改口說︰「我意思係飲兩杯冇酒精都得,我平時冇咩飲酒,淨係飲過養命酒。」至於Lavina自言酒量淺會練飲酒,更表示家人很支持她行性感,自己亦有分寸,不會做傷害家人的事。