元麟撩興洪金寶

說起大師兄三毛，他在學院中可說是惡霸一名，誰也不敢惹他。不過凡事總有例外，師弟中有一位因經常撩是鬥非，被師傅稱為「小神經」的元麟就曾「以下犯上」，他憶述舊事時，不自覺笑了出來的說：「我細時好鍾意周圍撩人打交，所以師傅幫我起咗個名叫『小神經』，嗰時我連大師兄三毛都唔怕(口架)！有次我撩佢，點知即刻畀佢一腳踢落嚟，之後返到屋企，阿媽見到個傷痕就問我邊個打我，我話洪金寶，阿媽就去學校同佢理論，叫佢唔好再打我；三毛同我阿媽講話我太百厭，唔打唔得。」

除了因「口痕」引起的衝突，他們之間亦有不少出師有名的爭拗，這一切都是源於物資的缺乏，大至一個儲物櫃，小至一個衣架，都隨時會引發紛爭，嚴重者更會受傷收場。自言不怕死的元秋也曾和大師兄三毛爭吵，她說：「其實我同三毛關係幾好㗎！不過嗰次就因為同佢爭儲物櫃而嗌交，仲嘈得好犀利添！」

冤家打足幾十年

另外，除因爭儲物櫃和洪金寶爭吵外，元秋亦曾因小小一個衣架而和元華講手，那次更令她留下永久烙印，至今仍清楚記得事件始末，她說：「嗰次成班徒弟一齊出埠去台灣，每人得一個衣架用，我同元華就因為爭衣架用鬧交。佢死霸住個衣架，我就忍唔住打佢，點知佢用個熨斗擋我，我就梗係傷啦！辣到阿媽都唔認得，到依家都仲有個印喺度呀！」沒有忘記此事的元華接着說：「嗰時我揸住個熨斗熨緊衫，佢一拳打埋嚟，我就梗係擋啦！」想不到這對冤家數十年後仍是冤家，不過是在電影《功夫》裏面，你說世事奇妙不奇妙！

小朋友的感情永遠最直接，就連受于師傅嚴厲教導的師兄弟都是一樣，經常會為雞毛蒜皮的小事大吵大鬧，有時更會大打出手。幸好小朋友也是最不記仇，打鬧過後很快便冰釋前嫌，直至五十年後的今天，一眾師兄弟間的感情依舊是無法代替的。

又正是親如兄弟，爭飲爭食爭嘢玩更是無日無之！三毛這位大師兄，為滿足口腹之欲，竟然使出這招……陰招，哈！真是有他的！