本文重點
「美少女廚神」胡心諾（Rainbow）自和方力申傳出緋聞後而廣為人識，在短短幾個月內，各大商場騷及書展的「水着寫真」都有份，稱她為「上位新人王」絕對當之無愧！
因與小方Send SMS，Rainbow一夜成名，問到因緋聞上位有何感受？她說：「件事過咗好耐，唔想再提，我唔係有心靠緋聞上位，不過我承認因件事多咗人識。」
初入行的Rainbow自言頗迷失，但現在已認清目標，她說：「嗰時唔知Model做咩，有得做就做，不過當我明白娛樂圈嘅工作，就愈來愈有興趣，我鍾意影相，成日喺屋企擺甫士，睇吓邊面最靚，或者練唔同表情，等有機會拍戲嘅時候好好發揮！」仍在求學期間的她坦言成名代價不少：「我仲係學生，清楚知識改變命運，但有時工作好難推，學校會有微言，有時覺得好矛盾，好辛苦！」
自食其力努力儲錢
成名後，Rainbow成為同學的談論對象，她說：「做咗Model後，有啲唔熟嘅同學有嘢講，熟嗰啲就冇咩，仲有啲男同學讚Lavina身材正！老師有時會笑我，話『喂！你呢期好紅喎！』不過都係講笑！」思想成熟的她早前被拍到「捱麵包」，原來她已沒有問家人要錢，自己負責平日使費，她說：「我有個哥哥，佢會畀錢屋企，我唔使特別養家，不過有錢剩最好都儲住先！」
Profile
姓 名：胡心諾（Rainbow）
年 齡：17歲
三 圍：32B、24、32
身 高：164cm
體 重：47kg
學 歷：就讀玫瑰崗中學F.4
演藝經驗：《亞洲遊戲展AGS2008》Game Girl亞軍、安信信貸CM女、「美少女廚神」
同期女模來勢「胸胸」
Lavina（鍾蕙芝）
擁有35E逼爆身材的「美少女廚神」Lavina，最近在PS3網劇中以超性感水着示人，與師姐E Cup Baby（劉欣宜）齊名。
Carol（楊梓瑤）
同是「美少女廚神」出身的Carol因身材出眾，成為網絡紅人，被讚擁有甜美樣子，和Janice Man同屬一間模特兒公司，大有機會接棒。