小小So平時都有搞吓小投資，年頭見到股市係咁跌，真係好頭痕！呢排見個市好番啲，小小So終於有心情約朋友去飲茶，咁啱喺High Tea嗰度撞到任達華，講講吓仲係咁呻，話佢呢啲中產生活甚艱難喎！
小小So：依家咩都話加價，好彩個市好番啲！
任達華 ：係啦！有錢人就話唔使人幫，基層嗰班又有政府幫，我哋呢啲中產人士就兩頭唔到岸，政府又顧及唔到。
小小So：係呀！中產人士真係上不通天下不達地，有苦自己知。咪住先，華哥你頭先話你都算係中產？唔好玩啦！
任達華 ：我梗係中產啦！其實我嘅生活同普羅大眾冇分別（口架）！
傾完一輪，小小So就同任達華道別，點知轉頭就見佢揸住架價值六位數嘅Benz離開。唉！好似佢咁嘅「中產」人士，小小So不知幾恨做呀！