美味天使劉俐（藍莓）和王宝宝（春卷），早前齊齊為廚具用品行花生騷，兼在場內大派美食。劉俐表示平日對廚藝甚有研究，因她覺得食品是綁住男友的「好幫手」：「人哋成日話要綁住個男人，首先就要綁住佢個胃，我好認同呢個講法，因為我覺得住家菜煮得好食，咁個男朋友去搵『阿二靚湯』嘅機會都少啲！」劉俐又指其必殺廚技是煮魚：「魚係好難先煮得好食，不過因為由細到大都鍾意食，所以有啲研究，另外就係田雞，不過我好多朋友都好驚。」
王宝宝則表示她的撚手菜是意大利餐，更自爆學識煮意大利粉原因是懶的關係：「之前我喺外國讀書，咩都要靠自己，所以為咗方便，我就最鍾意煮意大利粉，因為一次可以食幾餐！」
