導演周顯揚首次執導電影《殺人犯》，雖沒有恩師李安助陣，但卻有一班好演員為該片賣命演出，令他十分感激：「呢班演員除咗錢嘉樂之外，其他都係第一次合作，我冇諗咁多高難度動作，佢哋都會咁搏命咁做，連現場預咗替身畀佢哋，佢哋都寧願唔用，堅持親身上陣，好似城城喺好熱嘅天氣下，拍攝一場追逐戲，一口氣來回幾次咁跑一條長樓梯，簡真係挑戰體能極限，但佢一啲怨言都冇，反而示範走位嘅替身就頂唔順，當場中暑暈咗。」

放大圖片	陳觀泰（左起）、郭富城、黃又南和張兆輝在片中飾演警察，一同查案。	城城拍攝暈倒戲份，被人合力抬離現場。

陳觀泰被掟落街

除城城外，張兆輝和陳觀泰一樣搏到盡，畏高的張兆輝由五層樓高跳落石灘，老戲骨陳觀泰則完全沒受到年齡限制，拍攝一場被掟落街戲份時，親身上陣不用替身，跳完還氣定神閒地說：「小兒科啫！跌多層都仲得呀！」導演周顯揚直言跟錢嘉樂都服了對方：「嗰度有五層樓高，仲要全身淋晒血漿咁去拍，真係好惡頂，泰哥（陳觀泰）一句怨言都冇，真係好感激呢位前輩，所以一拍完場戲，我即刻斟杯茶畀佢飲，多謝佢！」

除演員外，導演對錢嘉樂於《殺》片的動作設計亦十分欣賞，甚至稱讚他甚有香港電影拚搏精神，能跟嘉樂一起堅持去完成不少高難度鏡頭，是一件開心的事，覺得他亦是一位很難得的好拍檔！