本文重點
鍾欣桐（阿嬌）復工四個月，為自己爭回85%的尊重，現時她抱着「堅持、撐到底」的信念力爭上游；因陳冠希（Edison）而失去一切的她，不信全世界的男人都是壞，還指心地好自然樣靚，為緋聞男友麥浚龍（Juno）笠上一頂高帽。
雖然阿嬌復工，有廣告拍、有舞台劇做，但工作量卻不及Twins時期，不過她仍樂觀地說：「慢慢嚟！開始做番嘢好緊要，我都要適應，我覺得人應該向前看，唔好諗番轉頭！（擔心冇以前Twins咁受歡迎？）冇奢望好似以前咁輝煌，但最起碼得到一個尊重，我覺得冇嘢比呢樣重要！我已經攞番好多，如果100分，我攞番85分。」雖然現時仍有不滿聲音，但阿嬌卻不再理會，抱着堅持、撐到底、不輕易認輸的心態繼續努力。她並透露現時沒有再服食鎮靜劑，但有購買「靜心」傍身：「當自己覺得忟憎就要食。」
遺憾「二缺一」
因為床照風波停工，剩下好拍檔蔡卓妍（阿Sa）獨唱《二缺一》，阿嬌說：「聽到呢首歌覺得好沉重，一個遺憾，無可奈何的二缺一！之後喺公司聚會，我都有唱呢首歌，當時阿Sa唔喺度感覺好怪，我都係二缺一，之前係兩個Share，依家自己去面對，雖然個樣開心，但感覺好失落！」
至於愛情方面，阿嬌坦言現時沒有拍拖，問到擇偶條件是否唔揀靚仔，她說：「冇話特登揀靚仔，心地好自然影響到外表都好，最緊要唔好咁易呷醋、小器、多啲理我感受同埋孝順！（Edison算心地好？）唔想再答佢嘅問題。」她還打趣問記者及助手有冇男仔介紹：「唔係全部男人都係衰，小心啲囉！如果介紹錯賴你㗎！哈哈！」雖然阿嬌拒提Edison，但卻力撐Juno沒有借她上位：「我覺得佢嘅音樂同工作都好出色，始終每次訪問都有人問，唔通佢唔答咩！（撐佢？）唔係咁講，大家係朋友！（男朋友？）呢啲我唔回應。」
問她假如再有男友要求拍床照時，阿嬌反應極大的說：「唔會有人要求！如果有梗係拒絕，提出呢個要求，都唔係錫我囉！」