昨日，趙碩之（Wylie）以低胸裙拍攝唇膏廣告，對於(口靚)模Rainbow當街與男友Admond親熱，她表示對Admond「記憶猶新」：「佢唔係有女朋友咩？17歲嗰年Admond搵我做影會Model，九個鐘只出六個鐘人工，休息時間唔計，其他Model對佢評價麻麻，所以合作一次都冇做啦！（點睇Rainbow？）拍拖OK，但要收埋，我唔會大街大巷咁做，唔好畀年輕人有樣學樣。我唔識同(口靚)模比，但會做好自己，唔好損害Artist形象！」
Wylie強調工作機會未受(口靚)模影響：「拋胸風氣就唔好，入咗行先多人注意我身材，但我唔想人Focus，我都唔鍾意拋胸！」期間Wylie介紹產品功能時略帶尷尬地說：「支唇膏除咗搽嘴，仲可以搽Nipple（乳頭），我有試過，仲搽到出晒界！（整畀邊個睇？）我不嬲都Pink，整畀將來男友睇囉！」
情同兄妹堅稱冇拍拖
另外，Rainbow出席PS3「夏之盛放」寫真集首賣活動，回應與Admond的拍拖相，她表示二人儼如兩兄妹，沒有拍拖，相片只是角度問題。至於被指到Admond家中過夜，她說：「上去攞嘢，記者影唔到我走！（理想對象？）成熟穩重，OK嘅！（拍拖唔會認？）拍拖係正常社交，唔係唔見得光！」對於趙碩之表示與Admond合作時數目不清，她說：「一向準時出糧，每次做完一個月後就出。」
據知Admond有個Model女友Bridgitte，但因Rainbow而分手，Bridgitte在網誌說：「與男友分手了，因為你而變了，希望你同Bikini(口靚)模開開心心！」而他亦開設另一間模特兒公司Cool Model，但被網友狂轟安排失當。對於與Rainbow拍拖，Admond矢口否認，強調二人情同兄妹，又坦承剛與前女友分手：「Bridgitte係前女友，性格不合分手兩個月。」對於趙碩之的指控，他說：「好耐之前嘅事，當日即時出糧，如果有問題，應該即刻投訴！」