楊千嬅前晚以大隊長身份，率領師妹王菀之為音樂會綵排，半失聲的千嬅表示哮喘病復發，故即時做內窺鏡檢查，她說：「醫生話我聲帶腫晒，最終請教陳奕迅，佢仲介紹咗醫生畀我，依家我都食緊類固醇。」已服用類固醇三日的千嬅表示，若音樂會舉行當日仍開不到聲，將會打開聲針：「其實兩、三年前開演唱會時，打咗七支開聲針，搞到透支晒，當時腫到好似唔想撈咁！（丁子高有冇安慰？）原本唔想畀人知，驚嚇親阿媽。」王菀之則開心報喜說：「之前喺演唱會設計嘅Logo，得到美國童裝公司睇中，依家會合作推出童裝衣服，希望搵番筆！」