提起劉以達，小小So諗起佢喺電影《食神》中飾演嘅「夢遺大師」，不過自從佢同老婆受洗成為基督徒後，言行舉止簡直唔同晒！劉以達唔只講嘢有紋有路，思維亦好清晰，大家都戥佢開心！
小小So：點解突然信咗主？
劉以達：因為朋友信基督嘅經歷感動我哋！當時佢信咗主後，經常馬拉松式上我哋屋企傳道，所以就慢慢返教會，直至到受浸！
小小So：幾時開始成為基督徒？
劉以達：我同太太舊年9月「決志」，11月就正式受浸，當時係一位美國黑人區嘅華裔牧師Jeason Ma幫我哋喺酒店嘅浴缸受浸。佢係一個好開放同打破傳統嘅牧師，佢唔想成個受浸過程太拘謹，佢真係好幽默！
小小So同劉以達做完訪問後，佢同達嫂突然好熱情咁捉住小小So，話要幫小小So祈禱，喺短短1分鐘嘅祈禱內，達嫂不斷祈求上帝保佑小小So健康同工作順利，令小小So好感動！