前晚《星星同學會》邀得鄭佩佩、岳華及陳鴻烈三位前輩任嘉賓，不過主持吳君如及錢嘉樂依然冇面畀繼續玩，大合照時在他們背後做出三角形手勢，大爆三人有過一段三角戀情。《星》將於下月一日錄影最後一集，嘉賓則有吳鎮宇、陳玉蓮、歐陽震華及林家棟等。
問君如會否添食？她說：「添咗三次，唔添喇！要放暑假抖抖暑，陪吓個女。」她又透露會放假一個月，連電台工作也暫停：「成日告假出去做嘢都唔好意思，唔係啲人又話我無心戀戰，欺騙聽眾。長毛（陳可辛）話好耐冇見我呀！再唔陪佢反面喇！頭先出嚟錄影，個女都大聲說：『Again？』佢唔明我點解又要返工。」她坦言會趁假期努力造人，望多生一個BB。
