周麗淇透露這兩天都有見家姐周汶錡（Kathy），但沒有提到Julien偷食事件，強調家姐心情OK及好好，問到是否認識張苡澂？Niki說：「唔識，乜人嚟(口架)？」有傳Kathy將與Julien拉埋天窗，現時埋門一腳撻Q，Niki說：「都唔係埋門，都冇話結婚。（家姐就呢件事同Julien分咗手？）冇睇報道。」記者再三追問兩人是否已分手，她都以「我冇睇報道」作回應。

周汶錡	張苡澂否認戀有婦之夫，更揚言要打官司還清白。 （資料圖片）

記者取笑Niki與家姐的感情路均坎坷，Niki苦笑大叫救命：「兩樣嘢唔可以拉埋一齊講，家姐係好女仔，邊個慘啲真係唔識答，救命呀！（Venus話講出嚟希望Kathy清楚呢個男人？）嘩！咁偉大？我同家姐都唔會透過報章雜誌去講嘢，唔覺好奇怪咩？（Venus博出位？）唔知。」

與家姐周汶錡同被指感情坎坷，周麗淇即掩面嗌「救命」。

放大圖片

對於Venus風水師好友七仙羽指Kathy有很多「爛桃花」，Niki說：「唔知咩嚟，咁黑心，未到最後一刻都唔知。」

Venus否認戀已婚漢

另外，昨日本報收到讀者爆料，踢爆Venus曾搭上有婦之夫，年齡又報細數兼指她博出位，記者致電Venus求證，她說：「如果有證據就攞出嚟，冇就唔好亂講，會發律師信，我賣晒屋企嘢去打官司，呢啲人無中生有，毀我聲譽，同埋我出道至今都冇講過幾歲，何來報細數？」對於被指博出位，她說：「我會唔會咁蠢，攞自己聲譽嚟博出位。」