前晚Ana R.身穿低胸吊帶連身裙，與Cara G.為楊其龍旗下的Misocool拉麵館中環分店開幕禮擔任剪綵嘉賓，明顯谷胸上陣的Ana笑言，因為早前被指平胸，所以要來個大平反︰「我一直都係32B，不過冇戴Bra就顯得瘦啲，戴啱個碼就睇落大啲。同埋拍拖之後我肥咗八磅，David令我好開心，我哋拍咗幾個月拖，依家一切都仲係好新。女仔通常都識着得性感啲畀男朋友睇，但係佢好好人，唔介意我着得性唔性感，就算着到成個男仔咁佢都唔介意。（佢係你識過最好嘅男人？）第一位要留畀細佬，佢第二啦！」

楊其龍開新店，父親楊受成(右圖)及姊姊楊諾思均有到賀。	放大圖片	Cara G.（左）與Ana R.為楊其龍的食店擔任剪綵嘉賓。

楊受成看好前景

至於老闆楊其龍，除獲姊姊楊諾思到場支持外，父親楊受成亦抽空到賀，並豎起手指公支持兒子。楊其龍透露，今次投資了七位數字，因為爸爸楊受成看好前景，故佔大份做大股東。楊其龍充滿信心地說︰「希望兩年半內可以回本，我哋唔係走高檔路線，加上中環有競爭能力，所以都有信心。爸爸好放心交晒畀我哋打理，佢冇過問，今年我哋會開四間，年底前開多兩間分店。我會主力負責包裝同巿場學，可能以後日日都要食好多拉麵同餃子。（會唔會搵英皇藝人做代言人？）旗下藝人當然會支持，但搵模特兒會更好。」