本文重點
廿四孝爸爸曹格將於八月來港開騷，適逢囝囝一歲生日，密謀舉行生日會。記者會上高大的Superman與Superwoman現身撐場，曹格頓變「小鳥依人」，倚在Superman胸膛，相當搞笑。
曹格昨日現身香港，為8月21日於亞洲博覽館舉行的個唱舉行記者會，為配合其成名作，大會邀得Superman與Superwoman到場力撐，曹格抵死地說：「下次唔好搵咁高㗎啦！」更挨在Superman的胸膛。曹格又預告個唱除衫晒肌肉，至於腹肌數目，曹格笑言要看化妝師「畫」多少。
下一站紅館
曹格表示因檔期問題未能踏紅館，不過信心十足地表示他日必定在紅館開騷。至於個唱獲bma全力支持，又為他送上金咪與「演唱會永久通行證」，曹格坦言若有機會，雙方將再次合作。曹格透露個唱上將大唱四大天王歌曲：「除咗致敬，都係一個挑戰，因為我唔識睇中文，希望盡量似佢哋。（勁舞？）睇吓唱乜歌，唱《李香蘭》好難跳。」
此外，適逢個唱當日是囝囝曹三豐（Joe）的生日，曹格自爆送上歌酬作禮物，他說：「幫佢儲起。（咁大份？）佢都好大份（指身形）。」提到囝囝，曹格即滔滔不絕，表示Joe學懂叫爸爸，自己每朝會為囝囝換尿片，所以囝囝特別黐他。