早前「(口靚)界女神」Janice Man（文詠珊）因簽約問題是非不絕，先傳因拒與舊經理人公司續約被雪，再指因獅子開大口要求逾百萬包薪，嚇窒寰宇、星皓及黎明的百事活等一眾經理人公司。
最近有指椋名凜、日籍歌手日華等的經理人王友良（Ivan）大有機會冷手執個熱煎堆，以打入日本為招徠，頻頻與Janice Man密斟簽約！而Ivan亦對她大為讚賞，直言二百萬包薪也物有所值，更指接多幾個廣告都已回本，他又說：「其實我知道有四、五間日本Model公司都對佢好有興趣，而且Offer嘅條件比Angelababy仲好，呢個價其實超值！」問到是否成功簽約時，他卻大耍太極：「呢個唔方便答，不過係有興趣嘅，其實我哋對有潛質、可塑性高嘅Model都有興趣，如果Janice Man對我哋有興趣，我哋都好歡迎。」而Janice Man在截稿前未有回應。