本地（口靚）模人氣爆燈，前晚電影《變形金剛：狂派再起》舉行盛大首映禮，（口靚）模廣受邀請，DaDa、A.Lin、Annie G.、Anjaylia、Crystal、Isabel、Hailey C.、Evelyn、Lavina、Rainbow、Monique和Leanna傾巢而出，個個短裙低胸青春逼人，比起不少一家大細齊齊出席的圈中人，包括黎耀祥一家、杜麗莎一家及王敏德一家更為搶鏡。

周秀娜不怕（口靚）模湧現搶飯碗。	Monique（左起）、Rainbow、Leanna和Lavina一同出席首映禮。	穿上低V裙的A.Lin，性感誘人。

Lavina進修增值

憑驕人身材出位的Lavina坦言受惠於（口靚）模熱潮，但為免熱潮過後被淘汰，最近報讀演藝課程增值：「我會畀自己一年時間，如果到時發展唔好都唔介意搵普通工作。」（口靚）模當道，周秀娜表示有競爭是好事，最重要是做好分內事。

同場的李彩華慘變「前輩」，她表示大家路線不同，不會因為社會盛行而去改變自我，至於工作量會否受影響，她說：「冇喎！最近要返內地拍劇，父親節都要出席活動。」

另外，李彩華昨日出席仁愛堂活動時聲稱與緋聞男友王傲山無關，她說：「佢已經冇做總理，我哋唔係拍拖。（被拍到見家長，拖手和錫喎？）我哋唔係見家長，只係見長輩朋友，我依家單身。」