謝婷婷前晚與韓君婷及貝安琪等，為楊其龍的Misocool拉麵店擔任剪綵嘉賓，對於傳媒以「男女朋友」稱呼她與安志杰，婷婷說：「我未認過，唔好寫係男朋友。（唔方便公開？）唔係，想等關係實啲先。（依家未穩定？）唔係，不過唔好話我唔認（戀情）。（咁應該點稱呼安志杰？）可以寫『英俊安志杰』，佢好乖、好專一、好自律。（會執屋？）佢好乾淨、好健康同好尊重人，媽咪都讚佢乖！」婷婷簽了霆鋒前助手作經理人，但否認霆鋒在背後捧她，而她正學詠春，為做打女鋪路：「我唔會搵佢（安志杰）切磋，佢做嘢太辛苦，亦唔想我打，驚我受傷，佢好錫我！」