22/06/2009

播放本新聞相關短片

張家瑩揀偶像唔睇樣

張家瑩尋日為亞視《亞洲星光大道》擔任評判，佢話近日學緊唱歌，所以對參賽者要求都好嚴格，問佢對參賽者嘅外形有冇要求時，佢就話好多歌星都唔係特別靚仔：「Juno算唔算？你哋講㗎咋，其實滾石唱片公司有好多實力派歌手，好似趙傳都好唱得。我最欣賞張惠妹同蕭亞軒！（鄧麗欣呢？）佢有自己風格，不過唔係我杯茶，我覺得陳柏宇同張敬軒都OK！」