謝安琪（Kay）前日到廣州出席記者會，同中國郵政領導簽訂協議，推出一套共八款同兩張Postcard嘅郵票，大會仲宣布下個月15號係Kay首次喺廣州體育館舉行一場《謝安琪吶喊2009》個人巡迴演唱會。記者取笑Kay做咗「集郵女星」，醒到爆嘅佢即時更正話：「係集郵至啱！」佢話自己都有集郵嘅嗜好：「因為爸爸、媽媽成日帶我周圍去買郵集，我仲有一大班來自澳洲、美國同新加坡等地嘅筆友寄郵票畀我添！」

張繼聰（左）與周國賢出席音樂會，不時分享湊仔經。

謝安琪為個人郵票主持揭幕儀式。

抽空與囝囝過節

提起囝囝張瞻，Kay話早前囝囝生日已經提早慶祝埋父親節，但尋日正正係父親節，Kay都趕返屋企陪囝囝過節。而Kay老公張繼聰前晚就同周國賢出席《好爸爸音樂會》，當日中午阿聰仲帶埋囝囝張瞻嚟玩添，但周國賢就話大女病咗，所以嚟唔到。