何超雲昨日陪同賭王入馬場欣賞《港大校友會盃》，身穿一襲紅衣短裙的她相當銷魂，可惜卻無助賭運！她與賭王在沙圈與友人研究賽事，並付了一千元讓對方代為下注，結果做了善事！不過仍無損她的靚靚心情，她說︰「我有買但輸咗，我冇咩賭運，爸爸都有買，佢畀咗佢張飛我！」超雲透露送贈數條領帶給爸爸作父親節禮物，但不及哥哥何猷龍所送的眼鏡好看︰「哥哥送咗副眼鏡畀爸爸，好靚好型！（想唔想搵個好似阿哥咁孝順又專一嘅男友？）梗係想！但係呢啲好男人絕晒種。」現時留港放暑假的她還透露有打工計劃︰「我想做暑期工，但仲諗緊做咩，未必會幫爸爸手。」

放大圖片	何超雲身穿低胸紅色裙入馬場兼落注，結果催財不成變做善事！	放大圖片

猷龍感激老竇教養

除了父親節外，超雲前晚特別陪賭王到澳門，出席哥哥何猷龍的新濠天地開幕晚宴，不少名人如胡文新、霍啟剛、霍啟山、楊其龍及譚筠怡等亦有到賀。對於兒子有此好成績，賭王不禁力讚︰「我個仔好叻，我好滿意！」猷龍透露今次投資21億，籌備了五年才開業，開幕三星期反應不俗，令他大感高興，但未敢做「新賭王」︰「我爸爸先係賭王，我都唔知自己賭乜！大家唔同公司，努力各有各做，希望好似佢咁成功，有佢十分之一咁成功已經好叻。爸爸咁多年都好支持我，好多謝父親嘅教養，畀咗好多建議，好多謝佢。（父親節點慶祝？）搞掂呢度先。」在旁的何猷龍太太被問到有否被冷落時，她大方表示體諒丈夫最近比較忙，問到何時再造人，猷龍即搶答︰「搞完一樣先一樣。」

不少名人後代力撐何猷龍，包括霍啟剛（左）與霍啟山。	經常性感現身Ball場的李桂蘭，前晚身穿Tube Dress赴會。	蔡志明攜子女撐新濠天地開幕，十分畀面！