單身古天樂爆曾相睇

古天樂昨日出席《361°和鞋互贈》活動時即場捐出一雙波鞋，他表示家中有逾百對鞋：「好多鞋都係着過一、兩次，真係好嘥！我多數拎去捐，但好少拎去二手店！」問到父親節會送甚麼給爸爸時，苦惱的古仔，更笑言要做特務來解決禮物的問題：「惟有等佢出咗街，偷入佢房睇吓佢爭啲咩，或者唔見咗，就送番畀佢！」

記者笑言古爸爸最恨飲新抱茶時，古仔即自爆曾相睇：「父母、親戚都冇催我，反而我啲舊同學成日叫我去相睇！你睇我好啫！工作見嚟見去都係嗰班人，圈外又好難識，我都想，不過呢啲催唔到，一定要有時間去相處！」

22/06/2009