樂壇天后容祖兒昨日聯同靚聲王張敬軒，率領眾新人出席「太陽計劃」活動，雖然祖兒攰到雙眼滿布紅筋，但活動期間仍活力十足，更即興與軒仔比賽新興的「手綿球」運動，認真貪玩！
祖兒與張敬軒昨日出席《太陽計劃2009曬太陽》活動，同場還有泳兒、鄧紫棋（G.E.M.）、陳偉霆、薛凱琪（Fiona）及李蘊、溫家恒、方珈悠及郭穎橋等樂壇生力軍。大會安排眾歌手分成兩隊，以新興的手綿球作賽，原本擔任球賽評判的祖兒，看得興高采烈，即拉着李志剛及軒仔試玩。
軒仔送槍賀父親節
對於今年新人輩出，祖兒表示要花時間才能認識他們。問她為何雙眼滿布紅筋時，她自言睡眠不足，現時只剩下「鹹魚」身軀，大會更即場委任祖兒與軒仔為「榮譽太陽大使」。對於身份升級，軒仔說：「見到啲新人，即刻覺得自己年紀大咗好多！」他透露九月將在廣州舉行兩場音樂會，更請來世界各地的音樂人合作！昨日是父親節，但軒仔表示因工作未能與爸爸慶祝，但已預先送禮：「爸爸鍾意軍事嘢，所以我送咗支仿真機關槍畀佢，點知佢砌完之後將個槍頭對住阿媽個床頭！」
恨與基仔演喜劇
另外，前晚祖兒與古巨基出席《勁歌金曲》時，自爆兒時曾欣賞基仔的電影《求戀期》，她希望有機會與基仔合演喜劇。她又透露會補搞生日會：「想同啲朋友聚吓！（出寫真慶祝？）都好！如果我39歲仲有29歲嘅身形就出啦！」對於早前王傑表示《勁歌》時間太短，基仔說：「唱Live嘅節目當然愈長愈好啦！（無綫厚待你成日上《勁歌》？）冇計過，但我好鍾意唱Live！（搵Paco？）之前有搵，之後都會再打畀佢！」