謝天華日前因拍攝電影《LAUGHING GOR之變節》受傷入院，當時天華與吳鎮宇及李思捷拍攝一場爆樽戲，被綁着的天華遭思捷以玻璃樽爆頭，雖然玻璃樽以糖膠製造，但天華仍不幸受傷，耳後位置被割傷，傷口長一厘米，並割得很深，即時血流如注，要入院縫兩針，醫生表示要四、五日傷口才愈合，天華說：「拍呢場戲嗰陣都知咩事，畀個樽扑完即刻耳鳴，感覺隻耳好痹，不過算係不幸中之大幸，就係冇傷面，拍嘢咁多次，今次傷得最甘，嚟緊仲有好多大型場面要拍，一定會做好心理準備。」
對於鄭伊健及陳小春將合作拍江湖片，天華說：「我唔介意攞嚟比較，難得電影業復甦，要我客串都OK㗎！」至於傷人的李思捷表示，拍戲經常會發生意外，角度很難計算。
